|
10/2/2026 快樂工作間昨天帶隻USB俾客戶,佢有一間新餐廳即將開幕,隻USB係門口電視機用的短片,係用來介紹食物及價目表。
安裝完成後,我地一齊做示範,確保在正式開業時能夠正常起動,跟著,再集合分店的各個同事一齊解說如何運作,氣氛輕鬆,過程非常攪笑。 其實最難得的,是幾個老闆都一起在場,與大家一齊了解,一齊睇效果,一齊笑,全無架子,與眾同樂,這樣的管理方式,好值得各店主效法。 10/2/2026 先敬羅衣後敬人你同意嗎?人靠衣裝,佛靠金裝,商舖呢?當然係靠包裝!
在你想作進一步的推廣活動之前,其實最好係先包裝好自己的店先。整齊得體, 自然能給人留下良好印象,生意滾滾來。 但好奇怪,好多客戶會開舖後,在未真正做好包裝,形象不明顯,市場定位都未有時,直接大花錢作推廣活動,之後得來的結果,我們聽得最多就是推廣活動完了之後,就回復原來的情況,總結就係無咩用⋯⋯賺來俾廣告費。 點解會咁?好簡單!次序錯了,其實應該要先包裝好店舖,例如: .店面的形象要可給客戶容易記得 .加入有系統的品牌化廣告,凝造氣氛 .定好主要針對的服務市場,廣告的風格便可定出 .文字廣告的運用,使到客人真正能圖文並茂 .運用適當的廣告物料及用品在適當的位置,等同佈一個陣,這個好重要! 等等⋯⋯ 只要先包裝好佈好陣,再配合宣傳活動,這樣就可以以乘的進度去發展業務。 最近行街,見到有一間新開的蛋撻小店,大大隻字寫「遠近馳名」,其實真係幾大膽 ,首先佢係剛剛新開的店,而佢又唔係贏過什麼比賽的蛋撻店,更唔係行內出名的後代,何來「遠近馳名」? 文字係要小心運用,唔好亂抄。 10/2/2026 點解要找design公司設計廣告?其實如果店主只係想有一張餐牌枱咭清楚地顯示價目的話,係可以自己用word制作的。
什麼時侯才需要我們? 如果你想比較有組織及系統地表達餐廳的整體主題,由logo、咭片、餐牌、 枱紙、宣傳單張、食物攝影、外賣紙、到招牌、燈箱、餐廳外觀、牆身廣告或裝飾,再推進到網上宣傳,以上各個位置要風格統一,達致品牌效應的話,找一間全面的廣告設計公司全權負責,說實話,這是必須的,正所謂 "品牌非一日可以完成"。 上面的情況,不是請一個平面設計師就可以解決到的,普遍來說,平面設計師大多只喜歡設計創作,其他關於商業的考慮部份都只係一般甚至更差,因為不是他們的興趣。相反,這就是印象工作室的優勢,我們專注係餐飲廣告方面,比一般設計公司更有經驗,10年時間真係見盡百態,另外我們對餐飲業的市場情況都有一定程度的了解,這樣都會有助於設計出更有威力的廣告,而且我們必定會將設計配合商業原則去製作及設計,例如幫客戶如何用最低成本做到最有效的廣告,更明白生意要先生存到的重要性,無生意一切都係空想,[點解我地甘清楚?因為我地都係做生意的。] 另一情況,如果現在餐廳已有好多生意,都係唔需要的,推廣係為了要有生意,在好好生意時又何需推廣呢?除非你想更上一層樓,例如要有更多更多的生意或要開分店,更或者目標要開店開到全香港甚至全世界,這樣才要把廣告方面再做好D,就要找一間合適自己的設計公司了。 當你找設計公司跟進廣告時,其實同睇醫生差不多,醫生會先了解你的情況,之後話你知你今次有什麼問題,然後安排適當的治療方法,其實廣告設計公司都是這個流程的,先了解你的餐廳進度,之後給你廣告安排上的意見或策劃,然後跟進製作,按步落實推廣事項。一切在於信任,你唔信任的醫生還會去睇嗎?如果你選擇信佢,就要信任佢安排的方案 (當然你要小心選擇)。 不知不覺我們有部份客戶已合作10年有多了,真心感謝怹們對我們的信任! 10/1/2026 點解餐廳會有傳媒報道?去過大大小小各式各樣的餐廳,會見到一個情況,有些店開業多年,從來都無報章雜誌佈道過,相反,有些店新開張就吸引到傳媒的注目,何解?當然就係品牌的問題!如果新店是無品牌的,又何來有報導的價值呢?
剛剛收到客戶”老上海飯店”的通知 , 《飲食男女》在新店開業不足一個月,已與他們做了一次訪問,即是做了一次免費宣傳。 傳媒對餐廳有多用你知道嗎?雖然紙媒的效力比起十多年前已大不如前,但他們已改進了變成網上版本,所以依然會十分有推廣能力的,但怎樣才能吸引他們到訪呢?除了餐廳要有品牌之外,其實還有其他方法的。 你的餐廳有明星嗎? 講緊嘅係明星食品,外國的例子有starbuck的咖啡、鼎泰豐的小籠包、肯德基的家鄉雞,本地的例如有一樂的燒鵝、糖朝的豆腐花或者是翠華的奶油豬。都係出名的食品,這樣才有報導的價值,才能吸引到食客慕名來光顧。所以最先要做的事情就係出品要夠質量或者夠創意,要創出自己的明星食品,才有機會突圍而出。 各位老闆,大家一齊努力吧。 10/1/2026 【一間餐廳不應忽略的推廣二】好處三:
如果由開店時已經有這方向的準備,例如店面有一套有定位的廣告及形象設計、定立餐廳的個性、內部運作的系統化、建立網站及管理好facebook專頁/IG等等,將來要開分店時就容易成功得多,因為有這樣做的話,會更容易儲客,儲蓄熟客很重要(講緊不是街坊客,而係會特登來店的那種熟客),這種熟客夠多才能令生意穩定,同時通知客戶開分店都容易好多,再一方面將來想入商場舖時,成功的機會都會加大,因為之前在總店時已做了餐廳品牌的推廣,食客已對餐廳有一定的認可度,就算之後進注租金較貴的商場舖都較能應付到。 好處四: 有品牌化的設計,才可進注大商場,才可利用大商場的人流優勢帶動生意。 以下是我們的客戶 "老上海飯店" 的實例 老上海飯店係香港一間老字號上海飯店,總店在灣仔諾富特世紀酒店地庫,經常都會有名人去食飯的,佢地的大廚對食品品質的堅持係堅持的,最近佢地進注太古的AEON商場,不用多說,新開張已經每天都人頭湧湧,只係煩緊如何可保持品質而又可快速做好出品的問題,生意方面已經不是問題。 10/1/2026 【一間餐廳不應忽略的推廣】經常幫餐廳客戶做廣告設計,做得最多就係餐牌、傳單同海報,通常當中的內容會係最新出品的菜式、菜式內容及價目表,目的就當然係推廣生意la,大部份客戶都會對於這方面特別留意,生意就係生意,無生意又點營運落去呢。不過,有D好好生意的餐廳客戶其實已經不愁生意,但好多時都只是繼續做同樣的廣告方式,這樣就太過浪費了。 想知名度提高嗎? 如果生意穩定了,這個時候其實如果能將部份資源做一些針對自己餐廳的廣告,這樣其實會對餐廳本身知名度提高的,長遠嚟睇,必定對餐廳有良好的發展幫助。 好處一: 點解有D餐廳你會特登揸車去食?因為好食?食物出品無問題但無人知都係無用的,所以一定要令食客對餐廳有一個品牌的印象,最好的方法就係建立品牌形象,而其中一樣要做的就係做一些只介紹餐廳性格的廣告。 無錯!要有自己的性格,才能別樹一格,才能出眾! 以下幾張adidas廣告,推廣的主要就係adidas本身的品牌,相中的鞋款隻字不提的,只sale不同的感覺,用意吸引不同的客戶。 好處二:
當餐廳形象提升咗,對各方面都會有幫助的,其中一樣就係招聘人才,如果你想餐廳內部人員活力十足,人才濟濟,本身品牌形象一定要做好,要令工作人員在這裹工作係有優越感的,這樣的話員工就會做得開心,對食客都歡容D,生意自然都會好D。 10/1/2026 門面廣告的重要性要經營好一間餐廳,絕非容易的事,要顧及的環節真係好廣,除了保持食物的品質之外,招聘人手、推廣餐廳以及所有內部問題,都係非常煩惱的。因為這情況,店主就會好多時無時間注意好多細節,正所謂『細節決定成敗』,要推廣餐廳,餐牌設計再好,都要食客走近來才有用,因此,其實門面的廣告安排是很重要的,現在就談談這個位置。
第一:招牌 在籌備開業中的餐廳,招牌好多時會由裝修公司那邊一齊做的,但店主無留意一個好重要的事情,就係餐廳的LOGO設計及餐廳名的字形設計,這個位置如果做得馬馬虎虎,絕對絕對會影響餐廳門面未來的整體感覺及發展。裝修公司一般都是專業做裝修的部份,但細節的設計就會比較做得無甘好,所以經常會見到餐廳裝修得唔錯,但個招牌就好普通。 記住!一個有設計、啱主題及視覺上有美感的招牌係好重要!另外,其實我們印象工作室係有已合作多年的裝修設計公司合作發展的,因此,如果由我們跟進整個裝修工程的話,就可以輕鬆解決上述問題。 第二:門面裝飾 門面裝飾方面,這個問題其實最緊要係"善用空間",要記住餐廳門面本身就是一個特大廣告位,由招牌、玻璃位置、兩旁的柱位到入口地面都可以做廣告的,要餐廳門面別具一格,這個是其中一個辦法,如要做出來效果好,唔好諗,找我們la! 第三:食物相片 專業食物攝影係專業的,要有專業的攝影器材及技術才可影出食物本身最突出最吸引途人引發食慾的感覺,這樣有助推廣產品。相反地,如果客戶本身唔係經常影相的,最好都係唔好為摼錢而自己影,因為可能會有反效果的。 記得有一電影叫做"雞同鴨講",許冠文是一間老字號燒鴨店店主,故事講佢怎樣力圖對抗新型餐廳,好好笑的。 下面是我們在2016年3月份幫"孖寶海南雞"做的門面廣告,由招牌、玻璃廣告到廣告架的海報foamboard,都是我們一手包辦。今次的門面改造係非常成功,在近期市道不太好的時候,經幾個月之後的觀察,餐廳回報的生意額係有接近100%的提升,即係每個月比以前的生意額多咗一倍,恭喜恭喜。 10/1/2026 你打算這樣做招牌?這個招牌,做價都要上幾萬元,最高有一個logo, 中間大字寫住《新釗記》下面還有4大發明嘅粥粉麵飯 冷熱飲品,真係好清楚。 讚的地方,就是選用這種物料,當年看,應該是好適當,今天看,好似更有d懷舊及傳統港式茶餐廳,而家新開的多數做LED發光招牌,感覺無乜特色了。 基本上無乜大問題,係最下面的冷熱飲品,有d睇唔過眼,又浪費咗個甘靚嘅廣告位置落[冷熱飲品]4個大字,又要花錢製作,又無乜野吸引到食客。 例如改成美味小菜、精選美饌、價廉味美、回美無窮、珍味佳餚、色香美味、或饞涎欲滴等等……,都可以的,一係sale好食,一係sale抵食。 再睇下呢個在台灣當地的招牌在台灣的 "阿元來了" 佢地會將招牌菜式獨立做一個燈箱,而且做幾款不同的形狀,令到視覺上好熱閙,無錯佢真係好熱閙的,次次去都要排隊等位的。(另外,其實此在香港西環區的,但門面好有台灣當地feel)
10/1/2026 現今餐廳必需的「創意」!
好多時都會聽到客戶講,你地做設計真係需要天馬行空、創意無限,其實創意係可以發生係唔同嘅地方,唔一定要做設計才可有創意,店主可以睇睇以下呢個例子。
係米蘭有一個中國年青的廚師,以運動鞋的概念,製作出多款壽司的款式,並且吸引到好多食客的注意,這就是創意的價值了。
真係唔食得都睇得,賣貴少少都覺得值得
食客見到,唔會唔share la,甘咪做到宣傳lor,要經常保持創意度,才可歷久常新,持續經營。 係呀!其實大家都係創意工業嚟,希望對各位店主有所啟發,一齊創出一條光明道路出來! 10/1/2026 餐廳應如何選購餐牌的款式餐牌的製作方式五花八門,店主應該從多方面考慮的,在這十多年間,最多客戶想找的餐牌要求是,防水、耐用及可自行換內頁的款式,這些要求都是最正常最合理的!因為日後就可以減低廣告製作的成本。不過,其實這樣會失去表現餐廳特式的機會,分分鐘會得不償失。 應選擇適合的款式及設計有些客戶是做日本料理的,但餐牌製作就同本地茶餐廳一樣的製作方式(熱裱過膠),這樣做實在不知怎樣形容,明明他佈置很花心思的,但這方面就不肯放多一些資源。每次我到訪這些店時,真心想免費幫他們做一次餐牌的大改革(當然只是暗想),其實真係要做好少少呀!
要啱feel! 要有個性! 整靚d其實唔係好貴,一定負擔得起的,只要你願意走多一步就可以有一個新面貌! |
餐牌印製 MENU PRINTING廣告宣傳用品 ADVERTISING PRINTING |
|
21年
與你 · 成就更多
TOGETHER WE THRIVE
與你 · 成就更多
TOGETHER WE THRIVE
Hotline:(852)23268433
E-mail:[email protected]
版權所有 不得轉載 © 2005 - 2026 印象工作室
Copyright © 2005 - 2026 Imagine Workshop. All Rights reserved
E-mail:[email protected]
版權所有 不得轉載 © 2005 - 2026 印象工作室
Copyright © 2005 - 2026 Imagine Workshop. All Rights reserved







